Conceyu Abiertu por Xixón encamienta a participar nes protestes contra la feria taurina de Xixón

A los miembros de Conceyu Abiertu por Xixón paez-yos “una aberración llamar cultura al sofrimientu d’un ser vivu y que esi actu seya sofitáu dafechu poles autoridaes llocales”. Piden “nun escaecer” que’l conceyu de Xixón “ye l’únicu d’Asturies onde se caltién tan bochornosu espectáculu y unicamente gracies a les arques municipales”.

Poro, dende Conceyu Abiertu por Xixón encamienten “non solo a los nuesos afiliaos y simpatizantes, sinón a tola población del conceyu a participar nes protestes escontra la feria taurina y pola retirada de les sovenciones públiques convocaes por ANADEL pa los dies 10 y 12 d’agostu”.