Política Compromisu por Xixón pide que Carmen Moriyón dexe la Conceyalía d’Igualdá by asturnet 18 de setiembre, 2013 written by asturnet 18 de setiembre, 2013 31 Daniel Fernández, voceru de Compromisu por Xixón, afirmó esti día que la so organización nun entiende por qué Carmen Moriyón sigue de Conceyala d’Igualdá. Dende Compromisu por Xixón yá señalemos reiteradamente que tantu en materia de medioambiente como d’igualdá, Carmen Moriyón quixo meter les competencies nun caxón pero en materia d’igualdá ta superándose a sigo mesma na so irresponsabilidá, convirtiendo aquellos propósitos iniciales nes que dicía quacutaba tales materies pa da-yos un especial impulsu, n’iróniques a lo menos. Pa Compromisu por Xixón l’actuación de l’Alcaldesa cola tema de la póliza de seguros onde se cubre l’acoso sexual, solo puede calificase desperpéntica, porque rescampla que nun revisa l’actividá del gobiernu en materia d’igualdá como ye la so obligación como conceyala, cuando amás son especialmente ofensives pa les muyeres como ye’l casu lo que según la organización agrávase ante la so negativa a axuntase coles asociaciones implicaes nesta tema, como tendría de faer en materies de la so competencia. Compromisu por Xixón tamién quixo destacar que nenguna actuación digna de mención conocemos de Carmen Moriyón nesta materia que xustifique la so condición de Conceyala d’Igualdá, anque nun pidimos la so dimisión como Conceyala d’Igualdá, yá que rescampla que Foru nun tien nenguna voluntá de desenvolver esti campu d’actuación, a cencielles nun entendemos porque dicen qu’esiste la mentada conceyalía, cuando nun fai nin un mínimu pa considerar qu’esista actividá na mesma concluyó Daniel Fernández. 0 FacebookTwitterPinterestEmail Anterior Fe Santoveña presenta’l so llibru de vestíu tradicional en Porrúa siguiente “Santiago y cierra España”: El Gobiernu de Rajoy va perseguir les páxines d’enllaces n’Internet Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA La normalización llingüística afitase dafechu nel Parlamentu Aína entama’l cursu políticu con un actu n’Uviéu Xixón aprueba’l proyectu d’Ordenanza d’Igualdá ente Muyeres y... “La Cultura atraxo a millón y mediu d’espectadores... Marta Mori renuncia a la vicepresidencia de l’Academia... Lluz verde a la convocatoria de subvenciones pa... Xixón homenaxeó a Jean-Pierre Darmendrail pola so contribución... El Principáu impulsa’l Festival Inclusivu por la Diversidá...