Portada Cooperación CODOPA propón criterios pa lessubvenciones a la cooperación

CODOPA propón criterios pa lessubvenciones a la cooperación

by redacción asturnews

El conceyal de Participación Ciudadana y Cooperación Internacional, Jorge Luis Suárez, presentó esti llunes les “Bases xenerales y convocatories públiques de subvenciones. Propuesta de criterios”, ellaborada pol Grupu de trabayu de Cooperación Descentralizada de la Coordinadora de ONGD del Principáu d’Asturies (CODOPA). 

El documentu quier sirvir a les instituciones locales a la de materializar convocatories específiques de subvenciones para ONGD, en materies de cooperación internacional y educación para’l tresformamientu social.Nel actu de presentación participó tamién la presidenta CODOPA, Ana d’Andrés.

La guía pretende facilitar les relaciones ente les alministraciones públiques y les ONGD, col oxetivu final de llograr que dambes partes conózanse y puedan considerase les característiques propies de los procesos de desenvolvimientu na xestión alministrativa.

Tratase d’una guía flexible dada la dificultá qu’esiste pola heteroxeneidá de la cooperación al desenvolvimientu, y poles especificidaes de les distintes entidaes. Ye xuna propuesta orientadora, y sía que non establez unos mínimos que pueden afaese a les diverses circunstancies qu’en cada casu puedan dase.

Una vegada presentada, esta guía va empezar a ser apurrida a toles instituciones asturianes que desenvuelven dalgún tipu de política de cooperación.

El conceyal de Participación Ciudadana y Cooperación Internacional, Jorge Luis Suárez, esplicó que “los marcos lexislativo y presupuestario son condicionantes pa l’aplicación de cualquier tipu de midida nel ámbitu de l’alministración local, tamién pa les que tienen que ver cola cooperación”.

Más información

Tamién te podria gustar