Portada Conceyos Clausura del proyectu Enfoca Talentu 4 que capacitó a 15 muyeres titulaes para ameyorar la so empleabilidá

Clausura del proyectu Enfoca Talentu 4 que capacitó a 15 muyeres titulaes para ameyorar la so empleabilidá

by redacción asturnews

Esta fin de selmana clausurose n’Avilés el proyectu Enfoca Talentu 4 que capacitó a 15 muyeres titulaes p’ameyorar la so empleabilidá. El proyectu, que cumple la so cuarta edición, desenvolvió actuaciones que potencien la empleabilidá de les participantes y fizo posible ameyorar la integración llaboral de 60 muyeres.

L’alcaldesa d’Avilés, Mariví Monteserín clausuró esti vienres 26 de xunu, na Casa Municipal de Cultura, el proyectu “Enfoca Talentu 4” que tuvo una duración de 8 meses y que capacitó a 15 muyeres titulaes d’Avilés para ampliar les sos oportunidaes d’accesu al mundu llaboral.

El Serviciu de Formación y Emplegu del Conceyu d’Avilés llanzó nel añu 2016 el Programa Enfoca Talentu, col planteamientu de reforzar les actividaes empobinaes a muyeres desemplegaes por aciu el desenvolvimientu d’un plan integral d’actuaciones de distinta naturaleza, qu’escuerre una medría efectiva de la empleabilidá de les participantes, amenorgándose d’esta miente la tasa de desempléu y ufiertando en munchos casos la reincorporación al mercáu llaboral de muyeres titulaes y paraes  de llarga duración.

L’oxetivu del proyectu ye ameyorar la proactividá, empoderamientu y empleabilidá de les 15 muyeres participantes al traviés d’un conxuntu d’acciones d’orientación, capacitación y mentoring que-yos dexen adquirir y/o ameyorar aquelles competencies personal y llaboral necesaries para l’accesu o reincorporación al mercáu llaboral.

Más información

Tamién te podria gustar