Cinco discográfiques piden a la SGAE la retirada del so repertoriu anglosaxón

by redacción asturnews | julio 4, 2018 11:45 am

Les editoriales musicales Warner/Chappell, Sony ATV, Universal Publishing, BMG y Peermusic comunicaron a la SGAE que se lleven el so repertoriu anglu americanu, que supon el 40% de los derechos d’autor recaldaos pola sociedá d’autores.

La SGAE yá recibió estes cinco cartes que, según adelantró’l diariu El País, mandaron les editoriales al Palaciu de Longoria p’avisala de que yá punxeron en marcha oficialmente’l mecanismu pa sacar del so repertoriu artistes como Celine Dion, Bona Vista Social Club, Juanes, Lady Gaga, Radiohead o David Foster.

Artistes, ente otros munchos, que suponen, según confirmó Rafael Aguilar, presidente de Peermusic pa la rexón llatina, el 85-90% de lo que s’escucha nes radios y televisiones españoles y que los sos derechos editoriales suponen pa la SGAE una recaldación de 30 millones d’euros. “Ye un pesu bien importante y somos conscientes, pero nun queremos ser socios d’un club onde se nos engaña y onde los nuesos autores salen perxudicaos. Queremos dir a un sitiu onde haya xusticia y equidÁ”, reivindicó.

Asina, estos xigantes editoriales lo que quieren ye denunciar, “nun amenaciar” una repartida “inxusta” de derechos d’autor. “Queremos un parte xustu y equitativo, nun puede ser que cantares que suenen pela nueche -en referencia a la llamada rueda de les televisiones- llévense más dineru que cantares de Joaquín Sabina o Alejandro Sanz”, espresó Aguilar, qu’aseguró que cada editorial, a pesar de la coincidencia na unviada de les sos misives a la SGAE, “actúa pola so cuenta”,

Según añedió, tres esta salida, que se fadría efectiva’l 1 de xineru de 2019, una y bones la llei obliga a que se faiga con seis meses d’antelación, tán “dispuestos a too”. Esto ye, según añedi, d’equí p’arriba tienen seis meses pa ver qué van faer “col repertoriu local”, porque hai autores españoles y llatinoamericanos que “tean dispuestos a retirar el so repertoriu de SGAE” y dise “allá onde vaigan” el editores musicales.

Refierse Aguilar a la veda abierta pa la xestión de derechos d’autor que s’empecipió tres l’aprobación del Real Decretu del 15 d’abril qu’aplicó n’España una directiva europea sobro xestión colectiva que liberalizó parte del mercáu y aumentó el control sobro les entidaes.

Source URL: http://asturnews.com/cinco-discografiques-piden-a-la-sgae-la-retirada-del-so-repertoriu-anglosaxon/