Educación Cinco comunidaes siguen descolgaes del alcuerdu ministerial p’acabar el cursu by redacción asturnews 20 d'abril, 2020 written by redacción asturnews 20 d'abril, 2020 45 Cinco de les diecisiete comunidaes autónomes optaron esti xueves pasáu por desvenceyase del alcuerdu propuestu’l miércoles pola ministra d’Educación a tolos conseyeros del ramu para concluyir colos menores perxuicios posibles pa los alumnos el presente curso, esbaratáu pola suspensión, hai yá un mes, de les clases presenciales en toes escueles ya institutos por cuenta de la pandemia de coronavirus, qu’a día de güei entá s’ignora cuándo van poder retomase. Los conseyeros populares de Madrid, Murcia, Andalucía y Castiella y Llión punxeron oxeciones a dellos puntos del borrador d’orde ministerial que recueye la propuesta del departamentu d’Isabel Celaá colos criterios para la evaluación del tercer trimestre y la finalización del cursu. La orde va ser aprobada nos próximos díes pol Gobiernu, por que pueda ser aplicada poles autonomíes que sí que ratificaron esti xueves la so adhesión al documentu y que, poro, van quedar obligaes al so cumplimientu. La quinta autonomía que nun va roblar l’alcuerdu, según comunicó un voceru del ministeriu, ye Euskadi, pero nel so casu facer porque considera que’l plan concretu para la terminación d’esti cursu nel so territoriu ye de la so estricta competencia y, poro, va ser el so departamentu d’Educación quien la ellabore. Les diecisiete autonomíes axuntaes el miércoles con Celaá na Conferencia Sectorial d’Educación tán, según les mesmes fontes gubernamentales, acordies con les directrices básiques d’actuación énte esti inéditu momentu propuestes pol ministeriu: caltenimientu del calendariu escolar (finalización del cursu en xunu); que la promoción de cursu y la titulación (en cuartu d’ESO y en segundu de Bachilleratu y de FP) ten de ser daqué que tolos alumnos llogren de forma xeneral y que la repetición sía la esceición; que les materies que ye imposible dar anguaño recupérense nel cursu próximu; o que la evaluación de cada asignatura y del cursu tien de ser continua y global, con especial pesu de les calificaciones de los dos primeros trimestres presenciales, y na que’l terceru (telemáticu) solo tendría de sirvir p’ameyorar nota o pa recuperar evaluaciones previes. 0 FacebookTwitterPinterestEmail Anterior ¿Quies participar nel nuevu filme de Scorsese? DiCaprio y De Niro convídente siguiente El Conceyu va collaborar pa dotar de dispositivos y conectividá al alumnáu avilesín Tamién te podria gustar Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes L’ALLA abre’l plazu pa los cursos de la... “Misteriu nel Soterrañu” algama’l premiu Alfonso Iglesias de... Tapia acueye la presentación del II Premiu «Quiastolita»... El Principáu y la UOC firmen un conveniu... Asturies destaca en comprensión llectora L’IES Real Institutu Xovellanos entama sos primeres Xornaes... Xornada Evaluación de programes educativos Entamen los talleres ‘Enfoca la to vida’ n’Avilés...