CIMCO fai apueste por facer xorrecer la música clásica

El ciclu Interdisciplinar de Música de cámara d’Uviéu (CIMCO), presentáu esta selmana pol conceyal de Cultura uvieín, José Luis Costillas y la so directora, Cristina Gestido, entama esti próximu 26 d’ochobre. “Van Ser un total de diez conciertos, hasta’l 23 de xunu, con un percorríu pola música de cámara señaladamente variáu y conxugáu con otres disciplines”, indicó’l conceyal de Cultura.

El presidente de la Fundación Municipal de Cultura, el conceyal José Luis Costielles, presentó esta mañana CIMCO, el Ciclu Interdisciplinar de Música de cámara d’Uviéu, “un proyectu nel que llevamos munchos meses trabayando na área de Cultura y col que queremos averar esta disciplina a otros públicos, a tolos públicos, y captar nuevos aficionaos”, sorrayó’l conceyal.

El ciclu CIMCO ye l’apueste de Cultura por consiguir una crecedera esponencial de la música clásica n’Uviéu y como quiso dexar afitao Costillas, “queremos facer con un nuevu programa de música de cámara vanguardista y ensin prexuicios. Utilizando como base la unión ente artes: música, danza, arte visual, lliteratura, teatru, diseñu, arte dixital, llume… pretendemos esaniciar les posibles barreres que pueden esistir ente la música académica y el públicu nuevu o que tuviera poco contactu con esti estilu musical. Consideramos que la música de cámara, nel so formatu más íntimu, y la mesma proximidá col públicu nuna sala d’amenorgaes dimensiones, constitúi un vehículu aparente pa llograr llegar a esi destín”.

En CIMCO, adelantró Costillas, “queremos amosar lo maxistral d’un repertoriu camerístico que dacuando nun resulta bono de programar. Per otru llau, va dase voz a el compositores asturianos o venceyaos a la rexón por aciu estrenos de les sos obres. Quiero destacar qu’esti ciclu de clásica nuevu tien al frente a una persona que ye música d’oficiu, y xuna profesional de reconocíu prestíu na escena musical, tanto na contemporanea como na clásica, porque ye xuna especialista na fusión de xéneros y espresiones artístiques. Ella ye Cristina Gestido y va detallavos los nomes de los grupos y artistes que van venir a Uviéu ente anguaño y el que vien nesta primer edición de CIMCO. Van Ser un total de diez conciertos partíos ente’l 26 d’ochobre, cuando arrincamos y el 23 de xunu, con un percorríu pola música de cámara señaladamente variáu y conxugáu con otres disciplines”.
Cristina Gestido indicó: “Al traviés d’esti ciclu tratamos de dinamizar la escena musical uvieina y promover la creación de nueves obres musicales per parte de músicos asturianos o venceyaos cola rexón. Amás, gustaríanos collaborar n’otres actividaes de la Fundación Municipal de Cultura como la Nueche Blanca o festivales”.