Chuck Prophet & The Mission Express actúen en Xixón esti 15 de payares

15 08:37 2017 Imprimir

Chuck Prophet torna de xira a Xixón na Sala Acapulco  esti 15 de payares con “The Mission Express” dempués d’una xira más qu’esitosa’l pasáu febreru.

Vien presentando’l so últimu discu, “Bobby Fuller Died for Your Sins” (Yep Roc), que recibió munchos afalagos per parte de la prensa y una gran atención de los medios de comunicación polo xeneral. Prophet ta llanzando’l so meyor trabayu y realizando los sos meyores y más épicos shows de rock and roll tres más de trenta años de carrera.

Chuck describe’l so últimu álbum como “California Noir” esplicando que “l’estáu siempres representó’l suañu d’oru, y ye la tensión ente’l romance y la realidá que s’escuende debaxo de la superficie en toles películes y llibros de bolsu negros la que conecta estos cantares. L’amor condergao, la soledá inconsolable, de los trapos puercos a la riqueza y a los trapos puercos de nuevu, y la violencia constante son los ingredientes del menú de la mariña oeste”.

The Mission Express, banda de Chuck Prophet, qu’inclúi a la so esposa Stephanie Finch, sigui sofitando a Chuck tres más de 15 años na carretera, y, agora, tamién nos estudios de Hyde St., nel corazón del Tenderloin, onde grabaron el so últimu álbum. Amás de con The Mission Express, Prophet tamién grabó con Brad Jones, Paul Q. Kolderie y Matt Winegar.

Chuck Prophet & The Mission Express van actuar esti miércoles 15 de payares na Sala Acapulco de Xixón a partir de les 21:00 hores (apertura a les 20:30).

  Categories: