Música Chuck Berry cumple 90 años y anuncia nuevu discu by redacción asturnews 22 d'ochobre, 2016 written by redacción asturnews 22 d'ochobre, 2016 54 La lleenda del rock ‘n’ roll Chuck Berry celebró’l so 90 cumpleaños el martes anunciando qu’en 2017 va llanzar el so primer álbum con temes nueves en 38 años. Tituláu a cencielles “Chuck”, l’álbum va tar compuestu na so mayoría por material nuevo y orixinal grabáu y producíu por Berry, dixo la so discográfica. Los fíos de Berry, Charres Berry Jr. a la guitarra y Ingrid Berry na harmónica, formen parte de la so banda na grabación. Nun se mentó la fecha esacta de llanzamientu del álbum. “Ye un honor formar parte d’esta música nueva”, dixo Berry Jr. nun comunicáu. “La banda St. Louis, o como pá llamábanos la banda Blueberry Hill, siguió los sos pasos. Estos cantares cubren l’espectru que va dende roqueros duros hasta enternecedoras cápsules del tiempu que faen pensar y son frutu del trabayu de toa una vida”. Berry dixo que dedica l’álbum a la so muyer de 68 años, Themetta. “La mio quería. Faigome vieyu. Trabayé nesti discu dende fai enforma ¡Agora puedo colgar les botes!”, dixo’l músicu nun comunicáu. Con cantares como Maybellene, Roll Over Beethoven o Johnny B. Goode a finales de la década de 1950, Berry ayudó nos cimientos de la música rock moderna y foi una gran influencia en munches bandes de los 60, ente elles los Beatles y los Rolling Stones. El compositor y guitarrista de San Luís, Misuri, llogró un Grammy pola so carrera en 1984. 0 FacebookTwitterPinterestEmail Anterior “Calabaces y Calaveres” vuelven invadir el Xardín Botánicu siguiente El Conceyu d’Uviéu ufierta cursos d’impresión 3D y Modeláu Tamién te podria gustar Semando Son amuesa’l nuevu folk asturiano El Trasiegu Fest va tener un mercáu con... Tatxers, Skabidean y la nueva escena musical Navarra... Algaire repite l’éxitu del 2022 en Lorient La Banda Gaites de Castrillón ufrió’l so repertoriu... Fitoria torna nueve años depués a brillar en... La Delegación asturiana en Lorient protagoniza la xornada... Jaime Álvarez gana’l 36 Troféu Mac Crimmon de... Entamó en Lorient el 52 Festival Interceltique 4200 firmes sofiten la música n’asturianu en XIxón