Portada Comunicación César Vidal critica l’apoyu de Víctor Manuel a la oficialidá de la llingua asturiana

César Vidal critica l’apoyu de Víctor Manuel a la oficialidá de la llingua asturiana

by asturnet

El director del programa radiofónico “La Linterna”, César Vidal, que s’emite pa tol estáu na Cadena COPE, comentó ayeri la noticia del apoyu del cantautor Víctor Manuel a la campaña “Yo doi la cara pola oficialidᔠal traviés d’un vidiu. Pal periodista, l’artista asturianu “taba pola oficialidá nos años sesenta, cuando escribió esa canción guapísima, conmovedora, que se-y llenen a ún los güeyos de llárimes, cantando les loes del Xeneralísimu Franco”.

Pa Vidal, el mierense ye “la monda” y con esti sofitu a la oficialidá de la llingua asturiana “instalóse definitivamente na llocura”.

Nel programa pudo oyise amás, como los llocutores de la Cadena Cope castellanizaben el nome de la Xunta pola Defensa de la Llingua Asturiana o l’apellíu de la presentadora de la TPA Sonia Fidalgo, que tamién apoya la camapaña pola oficialidá, a la qu’apellidaron “Hidalgo”.

Tamién te podria gustar