Cerezal presenta un nuevu trabayu discográficu: “La cereza’l Cielu”

Cerezal presenta un nuevu trabayu discográficu:  “La cereza’l Cielu”
18 11:19 2019 Imprimir

Cerezal vieno acabante de dar anuncia al segundu trabayu discográficu, “La cereza’l Cielu”, grabáu recién nos estudios Tutu y que se presenta nesi mes de Payares embaxo’l sellu “Producciones Fitoria”. Los sones ente’ folk acústicu y’l pop-rock entemecense colos testos de Miguel Monteavaro, Xurde Fernández, el Padre Galo o Humberto Gonzali.

Grabáu y mezcláu nos estudios Tutu y masterizáu nos estudios Green Desert, amuesa la madurez del grupu ensin etiquetes nin techos. Un viaxe de trece cortes que surde d’una sorrisa y va desendolcando’l soníu propiu del grupu: ente’l folk acústicu y’l pop-rock, cola novedá del usu de recursos más propios de la música ellectrónica. Temas propios más profundos (Nun me dexer cayer o Na oriella Prieta), ensin perder la llínia lliteraria de trabayos anteriores, con testos de Miguel Monteavaro, Xurde Fernández, el Padre Galo o Humberto Gonzali. Nesti trabayu tamién hai espaciu pa potentes instrumentales de corte tradicional (Bretaña) y fasta pa una versión mui personal de Thriller (Michael Jackson) con un aire ente’l bluegrass y el folk cerezaliegu.

Nesti trabayu, asoleyáu en Payares de 2019 col sellu “Producciones Fitoria”, el grupu cuntió con delles collaboraciones de: Juan Duarte y Ruboh a les voces, Nel Suárez (guitarra acústica), Álvaro Bárcena (guitarra elléctrica, Dobro y steel guitar), Fernando Oyagüez (Banjo), José Manuel Tejedor (Gaita), Rodrigo Joglar (Curdión), Xurde Fernández (Whistle), Pedro Santiago (Bodrhan), Javi Tejedor (Curdión), Marco A. Guardado (percusión), Rubén Alba (Gaita) y David Mori (Xiblata).

Cerezal entamaba col 2013, frutu de la xuntanza de dalgunes mentes inquietes dientro del panorama musical asturianu. La confluencia nesti proyeutu d’artistes con fonda trayectoria dientro de la musica folk, rock y pop fai del soniu de CEREZAL un elementu orixinal y enllenu de matices. Con una fuerte base folk, esta banda de dixebraes influencies averase per momentos a estilos como’l jazz y el country,anque’l so soniu paez tar basau n’estructures y armonies mas asemeyaes al pop. Nel so repertoriu, del too orixinal, garren pesu les composiciones musicales y les lletres, bien propies o bien obtenies a partir del trabayu lliterariu d’autores asturianos d’anguañu.

Nel branu de 2014, vista la bona acoyida, el grupu entama la preproduccion del so primer discu de llarga duracion, Camín (Algamar Producciones. Avientu de 2014), que graben nos meses de setiembre y ochobre, y presenten en conciertu’l 23 d’avientu d’esi mesmu anu. na vegada mas, el trabayu resulta de gran interess recibe en xineru de 2015 tres nominaciones a los Premios AMAS 2014 y algama finalmente’l premiu na categoria de Meyor discu folk del anu.

Cerezal va llevar darréu la so elegante puesta n’escena de Camín per diferentes escenarios nel 2015, llogrando gran impautu nes sos presentaciones en Mieres, Uvieu, Xixon, Santu Adrianu, Cualloto y Morea. Ello fai que’l grupu seya l’encargau de poner musica na Foguera de San Xuan en Poniente (Xixon) y nel I Alcuentru Folcloricu de Morea d’Ayer. La bona trayeutoria del grupu rescamplara cola so participacion nel programa oficial del 45o Festival Interceltique de Lorient (2015), onde consiguen una gran afluencia de publicu nos sos tres conciertos dientro del marcu del festival y cunten col reconocimientu de distintos medios de comunicacion internacionales

  Categories:
Loading Facebook Comments ...