Centros sociales d’Uviéu estrenen un programa pionero y gratuitu de refuerzu educativu

Centros sociales d’Uviéu estrenen un programa pionero y gratuitu de refuerzu educativu
17 setiembre 08:24 2021 Imprimir

Un programa pioneru y gratuitu de sofitu y refuerzu educativu pa menores de 6 a 12 años va desenvolvese, d’ochobre a mayu, nel centru social de Ventanielles, el del Cortixu, el del Cristu II y el de Les Campes “magar podrá ampliase a otros equipamientos”, adelantró la concejala de la área, Lourdes García. El plazu d’inscripción abríase esti miércoles día 15, y les 64 places disponibles van cubrise por orde d’entrega de la documentación.

La conceyala de Centros sociales, Lourdes García, presentó esta mañana, nel salón de plenos del Conceyu, “un nuevu programa qu’estrenamos nos centros sociales del conceyu y que la so puesta en marcha vien derivada de les necesidaes que surdieron tres el COVID, cola perda de recursos de munches families del nuesu conceyu y la fienda educativa que se xeneró en determinaos alumnos que nun tuvieron el mesmu accesu qu’otros a les nueves tecnoloxíes o al sofitu educativu familiar qu’hubo que tener mientres los peores momentos de la pandemia”.

Anguaño, a partir d’ochobre, adelantró la edil, “na conceyalía de Centros Sociales impulsamos unu nuevu proyectu gratuitu destináu a les families que consiste, amás, nun serviciu de sofitu a la conciliación nel que se van emprestar actuaciones de sofitu socioeducativo, refuerzu escolar y diverses esperiencies de fomentu del aprendizaxe y l’innovación educativa. Para ello vamos emplegar, yá a partir del mes d’ochobre, diversos espacios escoyíos n’Uviéu ente les instalaciones de Centros Sociales.  Esti programa añal naz, como dicía, para amortiguar los efectos de la fienda educativa acumulada en determináu perfil d’alumnos según p’ampliar les alternatives de cuidu infantil, dada la incertidume escolar por cuenta de la pandemia”.

El nuevu programa va empobináu a neños que s’atopen cursando la etapa de Primaria, esto ye, neños d’ente 6 y 12 años, “ye totalmente gratuitu y va desenvolvese mientres tola selmana de 16:30 a 19:30 de llunes a vienres, nun total de cuatro centros sociales del conceyu. Pa esti cursu, el plazu de les inscripciones empieza mañana, día 15 de setiembre (a partir de les 16:00 hores) y remata el día 27 de setiembre (hasta les 20:00 hores). El Programa se estructurará en dos grupos per equipamientu, en función de los díes escoyíos.
Esti nuevu programa vien poner en valor la estensa rede de centros sociales d’Uviéu, que siempres tuvo infrautilizada y empobinada a una franxa d’edá qu’escluyía a los más pequenos. Los centros sociales tienen de abrir a tola población y esti programa de sofitu socioeducativo abri les sos puertes directamente a los más pequenos”, indicó Lourdes García,  de la qu’especificaba: “va desenvolver d’ochobre a mayu, impartiéndose cada actividá de manera siguida estructurado en dos grupos infantiles con participación en delles sesiones selmanales n’horariu de tarde.  Estes sesiones van atayar mientres los periodos vacacionales de Navidá y Selmana Santa, según en díes festivos. Los centros sociales onde se va estrenar esti programa esti cursu son el de Ventanielles, el del Cortixu, el del Cristu II y el de Les Campes y les places, nun primer momentu, 64”.

Al respective de les temátiques, al responsable municipal sorrayó que “van ser de lo más variáu, dende la área d’Inxeniería Informática,  la Creación Dixital y les Belles Artes, les Artes Escéniques hasta la Ciencia y Tecnoloxía. Toles actividaes tán suxetes a un aforu máximu dexáu d’alumnos, polo que les places son llindaes, y asígnense en función del orde de presentación de solicitúes. Pueden apuntase de manera telemática y presencial”.
El responsable de la empresa que resultó axudicataria d’esti programa, Alejandro González, especificó que “esti proyectu piloto busca nun ser puramente un sofitu escolar sinón un refuerzu educativu con actividaes innovadores, motivar al alumnu y acabar con esa fienda educativa que detectemos”. Tamién destacó la bona acoyida que “tuvo esti proyectu pa neños de 6 a 12, xuna edá que creemos ideal pa ponelo en práctica. Nun somos xuna academia al usu”.

Más información: https://www.oviedo.es/centrossociales/actividaes/apoyoescolar

  Categories: