Celestino Rodríguez ye’l nuevu decanu de la Facultá de Formación del Profesoráu

Celestino Rodríguez ye’l nuevu decanu de la Facultá de Formación del Profesoráu
15 febreru 09:24 2019 Imprimir

Celestino Rodríguez Pérez, vicedecanu de  Calidá y Coordinación de la Facultá de Formación del Profesoráu y Educación mientres los ocho últimos años va tomar el relevu de Juan Carlos San Pedro nel decanatu.

Les elecciones celebraes esta selmana cuntaron con una amplia participación y refundiaron una llixera ventaya de la candidatura de Rodríguez frente a la de la profesora titular y anterior directora del Departamentu de Ciencies de la Educación Carmen Fernández Rubio. El primeru llogró 76 votos. La segunda, 63. Hubo amás siete votos en blancu y dos nulos.

Diz Rodríguez diz llegar al decanatu con munches ilusiones y un nuevu proyectu, que supon dellos cambeos na estructura del actual equipu decanal pa da-y «mayor impactu social a la facultá». Ente los sos oxetivos: «Que la facultá progrese n’innovación ya investigación» y que los títulos n’Educación «sían un referente tantu nacional como internacional».

Del equipu de Juan Carlos San Pedro, caltien a Beatriz Prieto Toraño, de l’área de Socioloxía, que va siguir al frente del vicedecanato de práctiques y acción social. Y van crease dos nuevos vicedecanatos. Unu de recursos ya infraestructures -imprescindible na midida na que pretende llevase a cabu una revisión de los espacios actuales del centru p’afaelos a les necesidaes docentes-, que va ocupar Itziar García, de la área de Didáctica de les matemátiques. L’otru, el de posgráu, al frente del cual va tar Lourdes Villalustre, de l’área de Didáctica y organización escolar. Completen l’equipu Mirta Marcela Gonzalo, de la área de Musicoloxía, que va ser la nueva vicedecana de calidá y internacionalización; Marcelino Fernández Raigoso, de la área de Métodos d’Investigación, que se va ocupase d’Estudiantes, y Omar García, de l’área de Teoría y hestoria de la Educación, que va ser el nuevu vicedecanu d’Ordenación académica.

  Categories: