Portada Mundu Celébrase’l I Alcuentru del Estremeñu y la so cultura

Celébrase’l I Alcuentru del Estremeñu y la so cultura

by asturnet

Esti sábadu, 4 de xunu, va celebrase’l I Alcuentru del Estremeñu y la so cultura en Botih.a, pueblu de Cáceres. A partir de les 10 la mañana va celebrase la inauguración d’un mercáu y van facese delles rutes culturales y hestóriques. De 11 a 13 hores van celebrase delles charres alredor de la variedá llingüística estremeña. Ismael Carmona García va presentar el colectivu OSCEC cola conferencia “Llingües inoraes n’Estremadura”, siguiendo darréu Juan Francisco Reina Raposo con “L’estremeñu nel contestu asturlleonés”.

A les doce la mañana José Benito Mateos Pascual va falar d’”El Rebollal: Al otru llau de la Sierra de Gata”, mientres que Bienvenido Gutierro Rodríguez aldericará alredor de “L’asociacionismu y l’estremeñu”, presentándose darréu la novela “El revesinu”, escrita por José María Alcón Olivera na variedá estremeña del asturianu.

Otros actos y charres van completar un día dedicáu dafechu a la cultura y la llingua d’Estremadura, que vive nestos momentos un procesu de recuperación y dignificación per parte de dellos colectivos del llugar.

Na realización d’esta xornada participa’l Conceyu de Botih.a y l’Organu de Siguimientu y Coordinación del Estremeñu y la so cultura.

Tamién te podria gustar