El llunes pue celebrase l’Antroxu nel 11×12 en Xixón

by redacción asturnews | febrero 4, 2016 8:44 am

El llunes d’Antroxu, 8 de febreru día non lectivu, los colexos nos que se desenvuelve’l proyectu 11×12 van permanecer abiertos n’horariu de mañana, de 7:30 a 16:00 hores, pa facilitar la conciliación llaboral.

El periodu d’inscripción va tar abiertu dende’l 29 de xineru hasta’l 5 de febreru, dambos inclusive, pudiendo formalizase directamente nos colexos públicos onde s’empresta esti serviciu: Asturies, Begoña, Clarín, La Escuelona, El Llanu, García Lorca, Gaspar Melchor de Xovellanos, Montevil, Rei Pelayo, Ríu Piles y Montiana, n’horariu de 15:30 a 16:30 hores.

El preciu ye de 6,10 euros y la forma de pagu’l llogru d’un ticket nos caxeros ciudadanos, con descuentos pa hermanos y hermanes. Ufiértase atención temprana dende les 7:30 hores con almuerzu, comida y posibilidá de llevar la merienda. Les families que tienen concedida beca comedor pueden beneficiase del programa y de los servicios qu’ufierta de forma gratuita, previa solicitú d’inscripción. Pue consultase tola información, horarios, precios y forma de pagu, de siguío:Programa 11×12[1]

Endnotes:
  1. Programa 11×12: http://www.gijon.es/multimedia_objects/download?object_id=188949&object_type=document

Source URL: http://asturnews.com/celebra-lantroxu-nel-11x12-en-xixon/