ConceyosEducación CC.OO. reclama la meyora y ampliación del centru de FP Avilés by redacción asturnews 31 d'ochobre, 2020 written by redacción asturnews 31 d'ochobre, 2020 3,K Les palabres de la conseyera d’Educación, Carmen Suárez, sobro l’ampliación y reforma del Centru Integráu de Formación Profesional (CIFP) d’Avilés llevantaron les primeres crítiques na ciudá, yá que volvió asegurar que se fadría un estudiu y abrió la puerta a sacar ciclos d’ellí. El secretariu comarcal de Comisiones Obreres, José Manuel Rodríguez Baltar, reclamó darréu la meyora y ampliación del centru de FP Avilés. Baltar faló de la importancia de la formación que s’imparte nesti centru en relación cola actividá industrial que se desenvuelve nel conceyu, d’ende que considere que «ye una necesidá tener unes instalaciones afayadices pa impartir los ciclos industriales, inclusive ampliar dalgunu más, y tenemos que tar toos xuníos na contorna pa defendelo énte la evidente dexadez del Principáu». El secretariu comarcal de Comisiones Obreres camienta que si non se dan pasos nesi camín el mesmu centru de FP va terminar cayendo solu, “yá que nun tien capacidá pa nada, por casu, yá se ve obligáu directamente a arrenunciar a cursos d’especialización porque nun tien espaciu nel que poder impartilos”. La conseyera d’Educación tamién abriera la puerta a reasitiar dellos ciclos que s’imparten nel CIFP n’otros centros educativos, lo que pa Baltar ye un intentu de distracción que nun se puede tolerar, “ye un alderique dafechu distintu, lo que tien que faer agora la Conseyería, como comprometiera, ye a la urxente reforma y ampliación del centru”, dixo. 0 FacebookTwitterPinterestEmail Anterior Abrese’l plazu pa pertenecer al Xuráu Mozu del 58 FICX siguiente Divertia presenta’l llume navidiego de les cais de Xixón Tamién te podria gustar Iniciativa pol Asturianu y Barbón desixen a Adif... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII... L’ALLA abre’l plazu pa los cursos de la... La comedia “Guau” pieslla “escenAvilés” esti miércoles