Casu lleva a Anabel Santiago, Xuacu Amieva y Deua Dubra a la so Selmana Cultural

by asturnet | agosto 17, 2005 11:40 pm

La III Selmana Cultural de Casu trai pa la nueche del sábadu una nueche celta, na que van participar Anabel Santiago, Xuacu Amieva y el grupu ‘Deua Dubra’. El conciertu entama a les diez y media la nueche nel polideportivu d’El Campu.

[1]

La iniciativa cultural del ayuntamientu casín, tien preparada pa esta tarde, a les cinco, nel Centru de Recepción y Interpretación del Parque Natural de Redes la obra de teatru pa neños ‘El Quijote para niños’. Mentes que’l grupu Trasluz va llevar a escena el vienres, a les siete, el testu ‘Tocome la lotería’.

Pa la tarde del sábadu, va facese un encuentru ente los mozos que participen nos campos de trabayu del conceyu y los que tán nel municipiu d’Amieva. Pero l’actu central de la Selmana, va ser el conciertu preparáu pa les diez y media la nueche nel qu’actuarán Anabel Santiago, Xuacu Amieva y el grupu llavianes ‘Deua Dubra’.

Endnotes:
  1. [Image]: http://asturnews.com/bancofotos/fotos/2/1527.jpg

Source URL: http://asturnews.com/casu-lleva-a-anabel-santiago-xuacu-amieva-y-deua-dubra-a-la-so-selmana-cultural/