Castrillón abre la esposición “Al horru”

Castrillón abre la esposición “Al horru”
19 xineru 12:04 2021 Imprimir

La triloxía poética ilustrada con grabaos artísticos “Al horru, que ta integrada por 60 distintos poetes y otros tantos distintos artistes grabadores, formando’l perabondosu grupu de 120 persones ye dende esta selmana una esposición que pue visitase en Castrillón del 5 de Febreru al 24 de Marzu 2021.

Tantu los poetes, como los artistes, fuéronse sumando desinteresadamente a construyir esta triloxía poética ilustrada. Toos, tuvieron l’amabilidá y el detalle de xeneranos un poema inédito y uno imaxe inédita para homenaxar al horru; l’elementu mueble más significativu y peculiar de l’arquitectura rural asturiana y española.

La publicación construyóse a lo llargo de cuatro años d’aballador y trabayosu trabayu, estremando la so construcción en trés volumes, presentándose un volume casi per añu. Los dos primeros volumes tán integraos namá por poetes y grabadores foranos o nativos de la comunidá asturiana y, la tercer parte y última edición: construyida con poetes y artistes pertenecientes a otros territorios peninsulares distintos al asturianu (Vizcaya, Navarra, Álava, Madrid, Alicante, Canaries…etc.), o pertenecientes a otres nacionalidaes  (Arxentina, Italia, Colombia, Brasil… etc.).

Esti poemariu ilustráu trata d’homenaxar con una mirada contemporanea y en forma d’exerciciu lliterariu y plásticu a esti elementu mobiliariu rural y símbolu totémicu de la cultura rural asturiana, tan próximu y identitario de lo nueso y de la nuesa tierra, pero qu’al empar paez cayer nel olvidu, hasta’l puntu, que dende fai bien pocu tiempu para acá, toos empecemos a dar cuenta del peligru que cuerre la so esistencia y nun empecemos faer cargu de la so amenaza de desapaición.

Esta triloxía poética ta prologada por Maria Esther García López y César Ripoll Dono. Ediciones Patanegra & Fermín Santos López ye una editorial de llibros ilustraos y carpetes con estampes artístiques, testos y poemes.

Los dos primera ediciones de la triloxía poética, “Al horru”: Al horreo y A’l horru II, fueron subvencionaes pola Conserxería de Cultura y Política Llingüística del Principáu d’Asturies mientres los años 2018 y 2019.

Ediciones Pata negro & Fermín Santos López, tienen una trayectoria de 22 años editando llibros de poemes y testos ilustraos con estampes artístiques principalmente, dientro del contestu cultural asturianu.

Valey Centru Cultural de Castrillón
Plaza d’Europa, 3
33450 Piedrasblancas

Del 5 de Febreru al 24 de Marzu 2021
Sales 1 y 2
Entrada llibre y gratuita hasta completar l’aforu

  Categories: