Portada Sociedá Cásique 400 persones interesaronse n’Uviéu poles places del Plan d’Emplegu

Cásique 400 persones interesaronse n’Uviéu poles places del Plan d’Emplegu

by redacción asturnews

Cásique 400 persones perceptores del Salariu Social Básicu amosaron interés n’optar a una de les 21 places del Plan d’Emplegu depués de que la conceyalía de Servicios Sociales realizara una campaña informativa ente los beneficiarios d’esta renta mínima.

Más de 380 perceptores del Salariu Social Básicu amosaron interés n’optar a una de les 21 places del Plan d’Emplegu municipal acutaes a persones beneficiaries d’esta renta mínima. La conceyalía d’Atención a les Persones ya Igualdá, que dirixe Marisa Ponga, considera qu’esta cifra, algamada en solu cuatro díes, respuende por que les persones perceptores d’esta renta mínima deseyen d’una forma evidente cuntar con un empléu y nun siguir siendo preceptores d’unos ingresos que namá faciliten xuna cobertoria alimentaria.

El Conceyu d’Uviéu aprobó’l pasáu 4 de mayu un Plan d’Emplegu que cunta con 3,8 millones y que va dexar la contratación de 123 persones demientres un añu. Per primer vegada, el plan d’emplegu cunta cola reserva’l 15% de les sos places pa beneficiarios de Salariu Social Básicu, xuna midida qu’afecta tantu a personar perceptores como a les sos families.

Pa favorecer la conocencia d’esta reserva, dende los Servicios Sociales d’Uviéu realizáronse siete charres en distintos Centros Sociales del conceyu so la denominación “Xornaes Informatives: Plan d’Emplegu y Salariu Social Básicu”. Fueron realizaes cola mayor inmediatez pa favorecer que les persones comenenciudes pudieren percanciar la información necesaria y presentar les solicitúes en tiempu. A la convocatoria de Servicios Sociales, realizada al traviés de cartelería por tou Uviéu y comunicaciones telefóniques, allegaron más de 380 persones. Les persones que cumpliendo los requisitos deseyen presentar la so solicitú puen faelo hasta’l próximu día 18 de mayu.

Tamién te podria gustar