Casi 9 mil alumnos participen esti cursu n’actividaes llingüístiques de Primaria y Secundaria

by asturnet | febrero 27, 2009 8:39 am

Les Conseyeríes d’Educación y Ciencia, y de Cultura y Turismu organizaron pa esti cursu actividaes culturales en centros educativos de Primaria y Secundaria p’apoyar la promoción de la llingua asturiana y del gallego-asturianu, nes que se cuntaba participaren 8.600 alumnos.

La ufierta d’actividaes pa Primaria contempla 11 conciertos de Xentiquina, nos que los escolinos participen dempués de trabayar los testos y la música de los cantares, y diez actuaciones del grupu teatral ‘Asturmitomanía’, que recupera dellos raigaños mitolóxicos asturianos.

En total van ser 28 centros educativos de Primaria y 4.000 escolinos los que participen nos conciertos de Xentiquina, mentantu que les funciones teatrales van empobinaes a 2.000 estudiantes de trece centros.

Source URL: http://asturnews.com/casi-9-mil-alumnos-participen-esti-cursu-nactividaes-llinguistiques-de-primaria-y-secundaria/