Portada Conceyos Casi 4000 escolinos d’Uviéu participaron nun programa de coeducación pala igualdá

Casi 4000 escolinos d’Uviéu participaron nun programa de coeducación pala igualdá

by redacción asturnews

Un total de 3.644 alumnos de los ciclos de Primaria y Secundaria de 24 centros escolares del conceyu participaron el pasáu añu nun proyectu de coeducación impulsáu pola Conceyalía Atención a les Persones ya Igualdá y que desenvolvióse nos ciclos de Primaria y Secundaria de 24 centros escolares.

Esi total de 3.644 alumnos de los ciclos de Primaria y Secundaria de 24 centros escolares del conceyu participaron el pasáu añu nun proyectu de coeducación que busca contribuyir a la igualdá efectiva ente homes y muyeres al traviés de la educación por aciu el fomentu d’actitúes positives basaes nel respetu y la tolerancia. El programa, impulsáu pola Conceyalía d’Atención a les Persones ya Igualdá que dirixe Marisa Ponga, desenvolvióse en 723 sesiones, nes que participaron 181 grupos integraos por 1798 alumnos y 1846 alumnes.

Amás de los estudiantes, tamién participaron nesti proyectu otros actores de la comunidá educativa como les asociaciones de padres y madres y el profesoráu de los distintos centros educativos. “El trabayu nes aules resulta una ferramienta imprescindible dientro de la estratexa de prevención de la violencia de xéneru”, sorrayó la conceyala d’Atención a les Persones ya Igualdá.

En paralelu y dientro de les actividaes programaes pa conmemorar el Día Internacional de la eliminación de la violencia contra la muyer, alumnáu de los Institutos de Secundaria Pando, Ríu Trubia  y Pérez de Ayala participaron nun taller de prevención de la violencia nes redes sociales y realizaron un photocall cola collaboración de los integrantes del taller de emplegu Uviéu-Creativa. Amás, realizaron un curtiumetraxe que se proyeutó tres la celebración d’una mesa redonda sobre esta materia.

Esti proyectu empezó la so andadura nel añu 2000 y a partir d’entós foise implementando nel conceyu pasu ente pasu. Asina, a partir del añu 2005, el programa pa educación Primaria atopábase dafechu desenvueltu, con un promediu d’atención añal envalorada de cerca de 2000 escolares per cursu académicu con una media de 100 grupos de Primaria y Secundaria pertenecientes a 20 centros educativos distintos.

Dende’l cursu 2012/2013 empecípiase l’adaptación de conteníos a los Ciclos d’Educación Secundaria Obligatoria  coles mires d’afondar tantu na prevención primaria como en prevención secundaria de la Violencia de Xéneru nel ámbitu escolar y en población nueva adolescente.

Tamién te podria gustar