Portada Escéniques Casi 3.000 escolares asisten esta selmana al teatru n’Uviéu

Casi 3.000 escolares asisten esta selmana al teatru n’Uviéu

by redacción asturnews

La Conceyalía d’Educación del Conceyu d’Uviéu, que dirixe la edil Mercés González, programó pal miércoles, xueves y vienres la campaña de teatru y escuela cola representación de la obra ‘Ali  Baba y los 40 lladrones’ de la compañía Borobil nel Teatru Filarmónica, con casi 3.000 escolares asistiendo esta selmana al teatru.

Nesta actividá participen un total de 2.865  escolares de 3º y 4º cursu de primaria de 37  centros educativos: Amor de Dios, Auseva, Buenavista II, Duce Nome de Jesús, Germán Fernández Ramos, Pablo Iglesias, Pablo Miaja, Santa María del Naranco, Carmen Ruiz Tilve. Cualloto, La Inmaculada, Juan Rodríguez Muñiz, La Eria, Maestru Jaime Borres, San Llázaro, San Pedro de los Arcos, Villafria, Xesta II, Loyola, La Milagrosa, Nazaret, Santa Teresa, Santu Ángel, Dolores Mediu, Villar de Trubia, Lorenzo Novo Mier, Parque Infantil, Poeta Ángel González, San Cloyo, Veneranda Pumar, Amor Misericordioso, Buenavista I, La Corredoria, Santu Domingo, Baudilio Pládanu, Fozaneldi y Ventanielles.

Dientro del programa d’actividaes educatives complementaries diseñáu pola Concejalíade Educación tienen un gran pesu les actividaes culturales, especialmente les rellacionaes col teatru, títeres, danza y música. D’esta forma lo que se pretende ye espertar  l’interés de dende temprana edá polos  espectáculos y fomentar el vezu d’allegar al teatru, según potenciar  actitúes de respetu a la de rellacionase col alumnáu de distintos centros educativos qu’alleguen a les representaciones teatrales.

Tamién te podria gustar