Cascos afirma que va desenrrollar la Llei d’Usu si gobierna

28 abril 10:47 2011 Imprimir

El candidatu de Foru Asturies, Francisco Álvarez-Cascos, afirmó nuna entrevista que-y ficieron Naciu Varilas y Montse Martínez nel espaciu “El Tren” de Radio Llangréu, a una entruga sobre la so postura alredor de la oficialidá del asturianu. El que fuera ministru de fomentu col PP respondió qu’“enantes de contemplar la oficialidá de la llingua del país ye necesario acometer otros asuntos”, en referencia a la Llei d’Usu del Asturianu de 1998, recordó qu’entá “falta desenrrollala”, comentando amás que “los qu’amen l’asturianu la Llei d’Usu ta a medio desenrrollar”.

Asina, Cascos comprometióse a desenrrollar esta Llei de convertise nel próximu presidente del país.

  Categories:
Loading Facebook Comments ...