Portada Educación Casado impugna la llei Celaá’ por «atacar al castellán»

Casado impugna la llei Celaá’ por «atacar al castellán»

by redacción asturnews

El PP reclamó esta selmana santa al Tribunal Constitucional qu’anule bona parte de la llei Celaá’, la reforma educativa qu’entró a valir el 19 de xineru en siendo aprobada pola mayoría absoluta del Parlamentu.

El PP atalanta que ye inconstitucional por dir «contra la unidá nacional» y ser «un atentáu contra la llibertá», según esplicó Pablo Casado al pie de representantes de UPN y de la escuela alcordada.

El recursu d’inconstitucionalidá, ellaboráu pol bufete del exlíder de Ciudadanos Albert Rivera, cuenta con 90 folios y detecta vulneraciones de la Carta Magna hasta en 16 de los 99 artículos de la Lomloe (la octava llei educativa de la democracia) y en dos de les sos once disposiciones adicionales. En resume, entiende que la norma tien de ser declarada inconstitucional porque «ataca al castellán», «torga la llibre elección de centru educativu», discrimina y afuega a la escuela privada alcordada, apostra l’asignatura de Relixón, y amenorga la calidá de la educación.

La base del recursu del PP ye casi idéntica a la impugnación presentada’l xueves anterior énte’l Constitucional por Santiago Abascal y otros 50 diputaos de Vox y a les oxeciones de la escuela alcordada, les que denunciaron nes manifestaciones de la revuelta naranxa, que foi sofitada por dambes fuerces conservadores.

La impugnación de los populares, qu’aportunen en que van derogar la llei Celaá’ en cuanto tornen a la Moncloa, nun paraliza’l calendariu d’aplicación de la Lomloe, yá que nun caben midíes suspensives y el recursu va tardar años en resolvese, según los precedentes. El PP defende que la norma sollerte contra la llibertá», de primeres, porque «fraya» el derechu a la elección de centru educativu de los padres. Failo al suprimir el conceutu de demanda social», que dexaba crear nueves places d’alcordada si asina se pidía; al retirar les subvenciones a los colexos privaos que dixebren a los alumnos por sexos; y al incorporar un plan pa integrar a los alumnos d’educación especial en centros ordinarios nel que cree que se desprecia» la preferencia de los padres.

Tamién te podria gustar