Carrera popular, manifiestu, tallere o teatru engrosen el programa uvieín del 25N

Carrera popular, manifiestu, tallere o teatru engrosen el programa uvieín del 25N
21 16:08 2019 Imprimir

Les conceyales Conchita Menéndez y Leticia González presentaron esti miércoles les actividaes, col actu institucional, del próximu día 25, a les 12 hores, na plaza de la Constitución, como protagonista. Nel Centru Municipal de la Muyer, de xineru a ochobre, fueron atendíes 160 persones per violencia de xéneru, 78 d’elles menores y produciéronse 123 ingresos.

La concejala de Polítiques Sociales, Concepción Méndez y l’edil delegada de la área, Leticia González presentaron esta selmana, en rueda de prensa, el programa d’actos conmemorativos con motivu del 25N, Día Internacional de la Eliminación de la Violencia contra les Muyeres, “que se conmemora dende 1981”, esplicó Leticia González, pa denunciar que “esta forma de violencia constitúi una pergrave vulneración de los derechos humanos y supón la mayor discriminación y atentáu a dereches a la igualdá ente muyeres y homes. Por ello ye considerada como la forma más estrema de desigualdá que tien como resultáu l’asesinatu y la brutal rotura del proyectu de vida de munches muyeres y les sos fíes y fíos.

No que va d’añu, según datos oficiales del observatoriu de violencia de xéneru del Ministeriu, 51 muyeres y 3 menores fueron asesinaos a manos de los sos agresores. Y en l’ámbitu municipal, de xineru a ochobre 2019, nel Centru Municipal de la Muyer fueron atendíes 160 persones per violencia de xéneru de les que 78 fueron menores. Produciéronse 123 ingresos de los que 61 fueron neños y neñes. Nel serviciu d’asesoramientu psicolóxicu atendiéronse 987 consultes de 320 muyeres de les que 141 casos, ye dicir el 71,9% teníen problemátiques de resultes de sufrir violencia de xéneru. Nel serviciu d’asesoramientu llegal atendiéronse 747 consultes procedentes d’un total de 719 usuaries, d’elles 235 sufríen problemes rellacionaos cola violencia de xéneru”.

La edil delegada de Polítiques Sociales alvirtió: “nun escaezamos que les muyeres, qu’alleguen a pidir ayuda, son xuna minoría al respective de les que sufren, a diariu y nel silenciu de los sos llares, la violencia en forma d’insultos, agravios, menosprecios humildaciones, golpes y tou aquello qu’acaba per destruyir a la persona la so dignidá y la so vida. Y nun digamos l’enorme silenciu de les neñes y neños que viven con el agresores.  Por ello, el Conceyu d’Uviéu ufierta un homenaxe a toles muyeres y menores que sufren les consecuencies d’este devastador problema. Conmemoramos el 25N con un actu central y distintu actividaes a lo llargo del mes. Los actos tienen un triple oxetivu: Promover la prevención, especialmente tratando los sos oríxenes y causes por aciu la educación n’igualdá a neños y a neñes; la prevención tien d’empezar nes primeres etapes de la vida, por aciu la educación de los neños y les neñes que promueva les relaciones de respetu y l’igualdá de xéneru. El trabayu con mozos ye la meyor opción pa llograr un progresu en materia de prevención y erradicación de la violencia de xéneru; Denunciar la discriminación y sensibilizar a tola sociedá pa la so erradicación”.

Anguaño, nel actu institucional, que se va celebrar el día 25, a les 12 hores, na plaza de la Constitución, “vamos denunciar y visibilizaremos el maltratu y la violencia a la que millones de neñes, adolescentes y muyeres son anguaño sometíes en munches partes del mundu por aciu ‘Los matrimonios forzosos’.  Más de 800 millones de muyeres sufren estes práctiques inhumanes. Cuando son neñes, en cuenta de estudiar, xugar y preparar pa tener una vida digna, soporten xuna serie de torgues y humildaciones que torguen el so desenvolvimientu como muyeres y como persones: son víctimes d’unes creencies qu’utilicen a la muyer como mercancía. Por aciu una performance, basada nunos testos vencíos por Amnistía Internacional, la escuela de teatru Goli-Goli empobinada por Cercu Valverde, va ufiertar una serie d’escenes que’l so oxetivu ye sensibilizanos sobro la desigual situación de bona parte de la población mundial femenina.

La conceyala de Polítiques Sociales y de Deportes, Conchita Méndez, especificó dalgunes de les actividaes del programa como la Carrera Uviéu Cuerre Contigo que se va celebrar motivu de la celebración del Día Internacional de la Eliminación de la Violencia de la Muyer, un eventu deportivu popular de calter non competitivu nel corazón de la ciudá, con una llende de 500 dosales ya inscripción gratuita pa favorecer que toles persones que la deseyen puedan esfrutar del deporte nel centru d’Uviéu y xunise a la movilización nacional ya internacional de la xornada.

La carrera Uviéu Cuerre Contigo desenvolveráse a partir de les 19:30 h. del sábadu 23 de payares coles carreres dedicaes a les categoríes inferiores, nes que deportistes prebenjamines y redrueyos van percorrer 500 metros; 900 los deportistes de categoría alevina; y 1’4 kilómetros los de categoría infantil. Na categoría d’adultos, pa nacíos en 2004 o anteriores, van percorrese un total de 3’5 kilómetros sobro un circuitu ensin demasiaos entueyos y con salida a partir de les 20:30 h.
Les inscripciones pueden realizase hasta’l vienres 22 de payares a les 20 h. nel siguiente enllaz: https://bit.ly/33ScNds

  Categories: