Portada Escéniques Carmina Burana va poner el broche d’oru a la Nueche de San Xuan d’Uviéu

Carmina Burana va poner el broche d’oru a la Nueche de San Xuan d’Uviéu

by redacción asturnews

El programa festivu de San Xuan d’Uviéu que va desenvolvese los díes 23 y 24 de xunu va cuntar con Uviéu Filarmonía y los coros de la Ópera y Fundación Princesa d’Asturies interpretando Carmina Burana pa poner el broche d’oru a la Nueche Máxica.

El sábadu, Uviéu Filarmonía y los coros de la Ópera y Fundación Princesa d’Asturies van interpretar la obra Carmina Burana na Plaza de la Catedral.  Va Ser l’últimu conciertu de Marzio Conti como director de la orquesta de la ciudá y tamién se van abrir al públicu los ensayos xenerales que se van celebrar dende’l vienres de 20:00 a 21:15 y de 21,45 a 23 hores y el sábadu na Plaza de la Catedral, a les 12 hores.

Les actividaes van entamar el vienres col enramáu de la fonte de la Plaza de la Escandalera. A partir de les 18:00 hores, les bandes de gaites Ciudad d’Uviéu y Vetusta van protagonizar un desfile folclóricu que va partir de la Plaza Fontán y va percorrer les cais Madalena, Plaza del Conceyu, Cimadevilla, Rúa, Plaza de la Catedral, Eusebio González Abascal, San Francisco y va rematar na Plaza de La Escandalera. A les 23 hores, l’asociación Mercaú Ástur va presentar na Plaza de la Catedral l’espectáculu “Ritual Máxicu” para darréu, a les 12 la nuechi, encender la tradicional foguera.

La gran novedá va llegar el sábadu, a les 21 hores, cuando la orquesta Uviéu Filarmonía y los dos coros de la ciudá: el de la Ópera y el de la Fundación Príncipesa d’Asturies van interpretar la obra Carmina Burana na Plaza de la Catedral.  Un conciertu gratuitu nel que se van poner mil sielles a disposición de los vecinos y vecines de la ciudá y que va sirvir para despidir al que mientres seis años foi’l director de la orquesta Uviéu Filarmonía: Marzio Conti.  En rematando’l conciertu’l conceyal de Cultura fadrá-y entrega de la Medaya d’Oru del Auditoriu Príncipe Felipe “pol so trabayu y entrega” mientres estos años.

 

Tamién te podria gustar