Música Carlos Rubiera recopila 30 años de música propia impregnaos pola alcordanza de Manolo Quirós by asturnet 27 de xunetu, 2004 written by asturnet 27 de xunetu, 2004 53 Tres décades de crónica musical d’Asturies. El cantautor xixonés Carlos Rubiera, protagonista’l Surdimientu y autor de composiciones dende 1974, asoleya un llibru-cd nel que recopila tola so obra musical espardida nos últimos trenta años y que sal a la cai impregnáu de l’alcordanza del malográu gaiteru Manolo Quirós, collaciu de Rubiera y fallecíu en 2001. Productu de tres años de plantegamientu y ellaboración, ‘Carlos Rubiera: 30 años’ publícase en fórmula d’autoedición col sellu discográficu ‘La Capitana’, depués que’l veteranu músicu xixonés decidiera xestionar los sos propios discos énte esperiencies poco satisfactories con cases editores convencionales. Con dalgunes d’elles hubo negociar Rubiera la recuperación de los temes que grabó nes últimes tres décades, y que lu afitaron como ún de los pioneros de la canción d’autor n’asturianu. El nuevu llibru-discu llega nun momentu nel que’l cantautor llevaba casi una década ensin asoleyar nengún trabayu, ausencia rota cola publicación de ‘Viaxe al silenciu’, qu’incluyó una versión n’asturianu del ‘Viaxe a Ítaca’ del catalán Lluís Llach. Como autor lliterariu, Carlos Rubiera algamó en 1980 el premiu ‘Juan Uría Ríu’ d’Ensayu cola obra ‘La cultura asturiana, presente y perspectives’, y asoleyó na década siguiente cerca d’una decena de títulos de narrativa y poesía. 0 FacebookTwitterPinterestEmail Anterior El Muséu’l Xurásicu consolídase como gran atractivu turísticu, con cien mil visites en cuatro meses siguiente La Cubana satiriza en Xixón el ‘famoséu’ nun repasu al teatru de la vida cotidiana Tamién te podria gustar Semando Son amuesa’l nuevu folk asturiano El Trasiegu Fest va tener un mercáu con... Tatxers, Skabidean y la nueva escena musical Navarra... Algaire repite l’éxitu del 2022 en Lorient La Banda Gaites de Castrillón ufrió’l so repertoriu... Fitoria torna nueve años depués a brillar en... La Delegación asturiana en Lorient protagoniza la xornada... Jaime Álvarez gana’l 36 Troféu Mac Crimmon de... Entamó en Lorient el 52 Festival Interceltique 4200 firmes sofiten la música n’asturianu en XIxón