Carlos Rubiera faló del compromisu del escritor asturianu na xornada inaugural de la Xunta d’Escritores 2008

03 xineru 09:53 2008 Imprimir

L’escritor asturianu Carlos Rubiera abrió la Xunta d’escritores Asturianos Uviéu 2008 esti miércoles 2 de xineru con una conferencia sobre’l compromisu del escritor asturianu más p’allá de lo estético, nel que fizo un repas a la so trayectoria y al so compromisu pa con Asturies, afitando que siguirá comprometíu más allá de lo estético como escritor y como músicu.

L’actu tuvo llugar na Biblioteca del Campu San Francisco dende les 5’30 la tarde, llueu de la presentación del llibru d’Actes de la Xunta de 2005.

Carlos Rubiera Tuya nació’l 2 de febreru de de 1956 en Cabueñes (Xixón) anque al pocu tiempu la familia treslladose a Garvelles, na parroquia xixonesa de Caldones, onde sigue residiendo anguaño. Tres d’estudiar Maxisteriu na Universidá d’Uviéu y Música nos conservatorios d’Uviéu y Xixón, dedicóse profesionalmente a la enseñanza. Anguaño ye profesor de Música y Asturianu nel colexu El Bosquín de L’Entregu. Carlos Rubiera destaca pol so llabor na difusión de la llingua asturiana, non solo como cantante y escritor, sinón tamién como responsable de les clases de bable na Universidá Popular, o presentador de programes nel centru territorial de Televisión Española y na emisora Radio Mar de Xixón. Yá dende mediaos de los años setenta apaez vinculáu a les actividaes de Conceyu Bable de Xixón y collabora na sección en Alitar Asturies del diariu El Comercio. Dellos años más tarde foi ún de los primeros miembros de númberu de l’Academia de la Llingua Asturiana.

  Categories:
Loading Facebook Comments ...