Portada Uncategorized Carlos Fabra escribe les sos memories desde la ‘Celda 114’

Carlos Fabra escribe les sos memories desde la ‘Celda 114’

by redacción asturnews

L’expresidente de la Diputación y del PP de Castellón, Carlos Fabra, escribió unes memories dende la cárcel d’Aranxuez onde cumple condena per cuatro fraudes fiscales dende avientu del pasáu añu. Y ahora va espublizales.

El manuscritu yá s’atopa nes manes de la editorial Sar Alexandría de Castellón, que confirmó que les memories, con una estensión d’unes 300 páxines, van publicase col títulu Celda 114. Carlos Fabra ta condergáu a cuatro años de cárcel por defraudar casi 700.000 euros a Facienda. El pasáu mes de xunetu empecipió los trámites pa pidir el tercer grau y esfrutar de permisos penitenciarios.

Inda nun hai fecha confirmada pa la so presentación, yá que tán apolazando’l testu presentáu pol expolíticu. Trátase d’una triloxía qu’abre la que fuera exvicepresidenta de la Diputación de Castellón, Esther Pallardó, cargu al que llegó por imposición de Fabra. Pallardó foi estremada de les llistes del PP nes pasaes elecciones locales y perdió el so puestu na institución provincial. Poco dempués diose de baxa del partíu al conocer que se taba estudiando un espediente d’espulsión en siendo acusada d’empecipiar una campaña de desprestixu contra l’actual presidente del PP provincial y sucesor de Fabra, Javier Moliner.

El llibru presentaráse’l dos d’ochobre sol títulu “A soles, de la vida, de la política”. Nestes páxines Pallardó rellata, les sos vivencies como periodista y política. 

Pallardó entró na política y xubió n’empecipiando una relación sentimental con Fabra. Fuera periodista y llegó en 2003 a la Diputación como xefa de prensa. En 2012 foi conocida por afalar un plante al expresidente valencianu Alberto Fabra nel congresu nacional del partíu cuando esti diba defender un códigu de conducta qu’afectaba al exbarón del PP. 

Tamién te podria gustar