“Caperucita, la to primer ópera”, una versión operística moderna llega a Avilés

“Caperucita, la to primer ópera”, una versión operística moderna llega a Avilés
04 xineru 12:46 2018 Imprimir

Esti xueves, a les 19 hores y con entrada gratuita hasta completar aforu “Caperucita, la to primer ópera”, una versión operística moderna llega a Avilés.

La programación escénica infantil navidiega sigue esta selmana col espectáculu “Caperucita Colorada, la to primer ópera” nel auditoriu de la Casa de Cultura. va ponerse n’escena esi xueves, 4 de xineru, a les 19:00 hores con entrada gratuita hasta completar aforu y representada pola compañía llírica Ópera Divertimento. Pa facilitar l’asistencia al espectáculu a tolos neños y neñes que la deseyen, ye recomendable que sían acompañaos pol menor númberu de persones adultes posible.

“Caperucita Colorada, la to primer ópera” ye un espectáculu familiar risonderu. L’adaptación correspuende al cuentu clásicu representáu por actores, cantantes llíricos y música en directu de Mozart y Donizetti.

La concejala de Festexos, Ana Hevia, esplicó na so presentación que “ye ideal como primer aproximamientu al mundu de la ópera pal públicu xuvenil. Toi segura de que vamos ver l’auditoriu llenu de mozos, que munchos de los neños y neñes asistentes van escuchar per primer vegada a un tenor o una sopranu y seguro que bona parte d’ellos van llegar a convertise en públicu habitual de la nuesa programación escénica. La formación de públicos ye un procesu que n’Avilés fomentamos ente los escolares con propuestes dende diverses árees municipales”.

Pela so parte, Miguel Ribagorda, director d’esta producción, destacó que “presentamos unos personaxes alloñaos al estereotipu y más próximos a la realidá de güei. Ye xuna Caperucita bastante moderna: la güela tien móvil y llee Whatsapp y el lleñador ye tou menos valiente”. Ribagorda añedió que “el llibretu afíxose de les versiones de los hermanos Grimm y del testu orixinal de Charres Perrault y puede ser siguida ensin dificultá por toos”.

La compañía vasca Ópera Divertimento lleva más de quince años averando’l mundu de la ópera y les voces llíriques a tolos públicos y nel so enfotu de divulgación propón adaptaciones de cuentos clásicos como’l que podrá vese na Casa de Cultura’l xueves. La dirección musical d’esta producción cuerre al cargu de Alexandra Andreeva y ufierta les músiques incomparables de Mozart y Donizetti como complementu perfectu pa esta primer esperiencia operística.

  Categories: