Cantares d’amor pola tierrina: una esposición=poemariu ilustráu d’Ediciones Pata Negra

Hasta’l 17 de febreru, la  Casa de Cultura de La Pola, en conceyu Siero, presenta una esposición=poemariu ilustráu d’Ediciones Pata Negra que lleva per títulu “Cantares d’amor pola tierrina”.

Como diz l’editor Fermín Santos Lopez, “José María García dexónos cróniques de la cultura popular asturiana en forma de llíricos narrativos poemes d’un tiempu yá pasáu, nos que foi capaz de reflexar de forma natural, lo local y l’idiosincrasia de la sociedá rural asturiana. Vivió y sintió una identidá cultural yá sumida o a puntu d’escastase”.

Por esti motivu, un colectivu d’artistes gráficos (Natalia Pastor, Breza Cechini, Mario Cervero, Fermín Santos, Pedro Domínguez Carazo, Consuelo Vallina, Cesar Ripoll, Herminio, Fernanda Alvarez y Ana Vila) xúnense pa construyir esta esposición=poemariu ilustráu por entender la necesidá de faer esti importante llabor de divulgación ente’l públicu llector y la sociedá asturiana d’unu de los primeres poetes n’asturianu.

Un proyectu de: Ediciones Pata Negra

Del 20 de xineru al 17 de febreru de 2022
Horariu de visita: de llunes a vienres de 17:00 a 21:00 h.; sábados de 11:00 a 13:30 h.
Casa de Cultura de La Pola
Siero 33510 La Pola
Siero T: 985 720 634