Portada Conceyos Cantares d’amor pola tierrina d’Ediciones Pata Negra en Llangréu

Cantares d’amor pola tierrina d’Ediciones Pata Negra en Llangréu

by redacción asturnews

Ediciones Pata Negra presenta del 15 de setiembre al 14 d’ochobre una esposición especial, con forma de poemariu ilustráu que recueye poemes de José María García de la man d’un colectivu d’artistes gráficos. L’amuesa va tar abierta na Pinacoteca Municipal Eduardo Úrculo de Llangréu n’horariu de mañana y tarde.

“José María García dexónos cróniques de la cultura popular asturiana en forma de llíricos narrativos poemes d’un tiempu yá pasáu, nos que foi capaz de reflexar de forma natural, lo local y l’idiosincrasia de la sociedá rural asturiana. Vivió y sintió una identidá cultural yá sumida o a puntu d’escastase”, Fermín Santos Lopez (editor).

Por esti motivu, un colectivu d’artistes gráficos (Natalia Pastor, Breza Cechini, Mario Cervero, Fermín Santos, Pedro Domínguez Carazo, Consuelo Vallina, Cesar Ripoll, Herminio, Fernanda Alvarez y Ana Vila) xúnense para construyir esta esposición=poemariu ilustráu por entender la necesidá de faer esti importante llabor de divulgación ente’l públicu llector y la sociedá asturiana d’unu de los primeres poetes n’asturianu.

Un proyectu de: Ediciones Pata Negra

Del 15 de setiembre al 14 d’ochobre de 2022
Horariu de visita: vienres y sábados de 10:30 a 13:30 h y de 17:00 a 20:00 h.; domingos y festivos de 11:30-14:30 h
Pinacoteca Municipal Eduardo Úrculo, Llangréu

Tamién te podria gustar