Portada Educación Cangas recibe un añu más a la Universidá Asturiana de Branu

Cangas recibe un añu más a la Universidá Asturiana de Branu

by asturnet

Esti llunes, 30 de xunetu, a les 13:00 hores, nel Salón d’Actos de la Casa de la Cultura «Palaciu d’Omaña» de Cangas del Narcea, entamen los Cursos y les Actividaes Abiertes de la Universidá Asturiana de Branu (UABRA): proyeutu lleváu a cabu gracies a la collaboración ente l’Academia de la Llingua Asturiana, la Universidá d’Uviéu y el Conceyu de Cangas del Narcea. Nel actu intervendrán la Conseyera d’Educación, Cultura y Deporte del Gobiernu del Principáu d’Asturies, Ana González Rodríguez, el Vicerrector d’Estensión Universitaria, Vicente Domínguez García, la Presidenta de l’Academia, Ana Mª Cano González; l’Alcalde del Conceyu de Cangas del Narcea, José Luis Fontaniella Fernández y el Director de los Cursos, Xosé Antón González Riaño.

Pa esta edición tán previstos los cursos yá tradicionales, (elemental, avanzáu y capacitación pa la traducción al asturianu) y otros centraos en cuestiones más concretes: Internet y Escuela. Nueves aplicaciones socio-educatives, Ecoloxía y Mediu Ambiente n’Asturies, Cantares, bailles ya instrumentos musicales asturianos y una nueva fase del cursu de Capacitación en Gallego-Asturianu pa profesores.

Información completa de los cursos

Tamién te podria gustar