Portada Fiestes Candás va acoyer la celebración de los I Alcuentros Atlánticos

Candás va acoyer la celebración de los I Alcuentros Atlánticos

by asturnet

Candás va acoyer ente los díes 25 y 28 d’agostu la celebración de los I Alcuentros Atlánticos organizaos pol grupu de baile San Felix. Nesta primer edición la música y la cultura asturianes van xuntase coles de Bretaña nuna atopada a la que se-y quier dar continuidá.

En palabres de los organizadores d’estos primeros Alcuentros Atlánticos el grupu de baile San Félix de Candás: “amás de mirar a lo qu’hai d’esti llau, quier mirar lo qu’hai al otru llau de la mar y sentir la música que se fai n’otros países que comparten con nós la mar; esa mar que los candasinos vemos cuando nos asomamos a El Cuirno”.

Precisamente El Cuirno ye’l nome que lleva la revista editada pola agrupación folklórica pa complementar estes xornaes y que cuenta con colaboraciones d’Alberto Álvarez Peña, Xulio Viejo, Aurelio G. Ovies y Adolfo Camilo Díaz ente otros.

Los I Alcuentros Atlánticos van cuntar cola participación de la Bagad Gwengamp y de grupos asturianos como Dulcamara, Tuenda, amás del propiu grupu de baile San Félix.

Tamién te podria gustar