Enatama la campaña de compostaxe domésticu 2016 en Xixón

Un añu más el Conceyu de Xixón collabora con Cogersa pa promover el compostaje domésticu con una campaña empobinada a los asturianos que tienen una pequena güerta o xardín y quieren aprovechar les sos borrafes orgániques tresformándoles en compost.

Los participantes van recibir una compostadora de 340 llitros y la formación necesaria pa remanala y facer un compost de calidá col asesoramientu del Serviciu d’Educación ambiental de Cogersa sigún se describe nel folletu de la campaña.

Pa poder participar nesta campaña tenemos de nun haber participao n’ediciones anteriores y nun disponer d’otra compostadora suministrada por Cogersa primeramente.

Tamién ha de cuntase con una güerta o xardín na vivienda habitual o cerca d’ella y comprometese a usar la compostadora facilitada por Cogersa de manera cotidiana p’atropar los biorresiduos de la güerta y la cocina y ellaborar compost. amás hai qu’asistir a la sesión formativa que se va celebrar ente’l 1 de marzu y el 29 d’abril de 2016 na fecha, hora y llugar que s’estableza pola organización.

Ente los demás compromisos necesarios tan asistir a la sesión de refuerzu que se va celebrar ente’l 12 de setiembre y el 21 d’ochobre de 2016 na fecha, hora y llugar que s’estableza. Y facilitar les xeres de siguimientu que lleva a cabu’l personal del Serviciu d’Educación Ambiental de Gogersa

Pa inscribise na campaña ha rellenase’l formulariu d’inscripción  y presentalu en cualquier rexistru municipal antes del 19 de febreru.