Caamaño presenta n’Avilés la so propuesta de crear un Centru Dramáticu

Caamaño presenta n’Avilés la so propuesta de crear un Centru Dramáticu
29 marzu 13:56 2016 Imprimir

Antón Caamaño presenta esti martes caberu de marzu nel Palaciu de Valdecarzana d’Avilés les sos bases pa crear un corpus teatral, exa cimera de la so tesis, lleida n’asturianu na Universidá de Vigo hai poco más d’un mes.

La Estaya de la Llingua ye la organizadora y la que convida al públicu a participar esti martes na conferencia titulada ‘Bases pa la creación d’un corpus de teatru asturianu’, que va impartir el primer doctor n’Artes Escéniques, nacíu n’Asturies, Antón Caamaño Vega. Va Ser güei martes, a les 19.30 hores, nel Palaciu de Valdecarzana.

N’asturianu y na Universidá de Vigo, Antón Caamaño, actor, director y cofundador del grupu de teatru Nun Tris, presentó’l pasáu mes de febreru la so tesis doctoral dedicada a analizar la situación del teatru asturianu y na qu’aboga pola creación d’un centru dramáticu rexonal col que podríen ponese en marcha iniciatives como la creación d’un archivu de documentación escénica, un ente que curiara del patrimoniu escénicu, catalogándolu, desenvolviéndolu y tamién ayudando a espublizalu.

Loading Facebook Comments ...