Música Bruno Mars llanza ‘24K Magic’, primer senciellu del so tercer discu by redacción asturnews 13 d'ochobre, 2016 written by redacción asturnews 13 d'ochobre, 2016 54 Bruno Mars publicó esti vienres 24K Magic (n’español, 24 quilates de maxa), primer anticipu del que va ser el so tercer discu d’estudiu, que va ver la lluz oficialmente’l próximu 18 de payares. “Podéis llamalo el mio primer single, pero yo prefiero llamalo la invitación a la fiesta”, escribió na so cuenta d’Instagram el que fuera coprotagonista del anterior entemediu musical de la SuperBowl al pie de Coldplay y Beyoncé y que, ente otros llogros, suma cuatro premio Grammy Por too ello, el tercer discu de Mars constitúi unu de los álbumes más esperaos d’anguaño y una de les grandes apuestes de la so discográfica, que caltuvo gran secretismu en redol a esti proyectu, del que solo tescendió la collaboración del productor Skrillex (gran artífiz de la mesma del recién álbum “Purpose”, de Justin Bieber). Cuatro años trescurrieron desque’l h.awaianu llanzara’l so trabayu anterior, “Unorthodox Jukebox”, qu’acabó como’l cuartu álbum más vendíu en tol mundu en 2013, exerciciu nel que Mars foi amás distinguíu como “artista del añu” pola revista especializada Billboard. “Unorthodox jukebox”, qu’incluyía temes como “Locked Out of Heaven” y “Gorilla”, tomaba la so vegada’l relevu al so tamién esitosu discu de debú, “Doo-Wops & Hooligans” (2010), y, tres ellos, concretamente en 2014, llegó la enorme repercusión internacional de la so collaboración vocal col productor Mark Ronson nel cantar “Uptown funk”. Darréu, Bruno Mars apaeció como coescritor de la corte “All I ask”, del discu “25” (2015) de Adele, y llanzó la balada “Rest of my life” nel capítulu final de la segunda temporada de la serie de televisión “Jane The Virgin”. 0 FacebookTwitterPinterestEmail Anterior Avilés acueye’l “I Taller Internacional Alertools: Estratexes Científiques y Educatives pa la Detección Temprana de Bioinvasiones siguiente Paco León algama’l Premiu Luz del Festival Iberoamericanu Tamién te podria gustar Semando Son amuesa’l nuevu folk asturiano El Trasiegu Fest va tener un mercáu con... Tatxers, Skabidean y la nueva escena musical Navarra... Algaire repite l’éxitu del 2022 en Lorient La Banda Gaites de Castrillón ufrió’l so repertoriu... Fitoria torna nueve años depués a brillar en... La Delegación asturiana en Lorient protagoniza la xornada... Jaime Álvarez gana’l 36 Troféu Mac Crimmon de... Entamó en Lorient el 52 Festival Interceltique 4200 firmes sofiten la música n’asturianu en XIxón