Portada Cine Brad Pitt y Marion Cotillard van rodar en Fuerteventura

Brad Pitt y Marion Cotillard van rodar en Fuerteventura

by asturnet
Foto: Eduard Bezembinder (https://www.flickr.com/photos/bezembinder/)

El director estadounidense Robert Zemeckis va mover la selmana qiue vien al equipu de Allied, la so nueva película, dende Gran Canaria a Fuerteventura pa rodar nella escenes de sable y desiertu na ficción que protagonicen Brad Pitt y Marion Cotillard.

La conseyera responsable de la Fuerteventura Film Comission, Edilia Pérez Guerra, confirmó que l’equipu de Allied filmará mientres dos díes la próxima selmana en sableres del norte de la isla y espacios grebos y despoblados del centru.

Aprosimao 300 persones van mover pa ello con Zemeckis dende Les Palmes de Gran Canaria, onde dende la nueche d’esti vienres va rodase en tres punto de la ciudá que fueron tresformaos pa la ocasión nuna localidá norteafricana escenariu d’intrigues en tiempos de la segunda Guerra Mundial.

Nel casu de Fuerteventura, la isla tien bien recién la memoria de la repercusión que tien el rodaxe d’una superproducción de Hollywood, porque nella rodó va dos años Ridley Scott la espectacular Exodus, con Christian Bale al frente de la repartida.

Tamién te podria gustar