Portada Cine Brad Pitt confirma la so intención de “sumir” por un tiempu

Brad Pitt confirma la so intención de “sumir” por un tiempu

by redacción asturnews

Llevaba unos díes rumoreándose y agora él mesmu vieno acabante de confirmalo: Brad Pitt dexa’l cine. Una noticia que sosprendió a los sos siguidores, que confiaben que’l ganar un Oscar a meyor actor secundariu pola so apaición en Érase una vegada… en Hollywood fadríalu camudar d’opinión.

“Creo que llegó’l momentu de sumir por un tiempu y faer otres coses, realmente tengo munches ganes d’eso. Creo qu’ende puede tar la clave, en calteneme creativu y permanecer al pie de la xente que quiero”, trató de xustificase l’actor n’una entrevista nel programa Good Morning America.

L’intérprete esplicó que “llevo faciendo esto dende va trenta años y conocí tanta xente maraviyoso nel camín, que siento una gran responsabilidá énte esi amor”.

Desconozse si esta ye una decisión temporal o si va pa llargu, pos el protagonista de Ad Astra paez nun tener clara esa respuesta inda. Los sos siguidores confíen que se trate a cencielles d’un parón puntual para recargues piles y volver al oficiu con fuerces.

Tamién te podria gustar