Booking ye la web de reserves turístiques más usada n’España

Una vegada más, Madrid ta acoyendo esta selmana la Feria Internacional de Turismu (FITUR), una de les cites d’esti sector más importantes del mundu y que l’añu pasáu algamó’l récord de los 245.000 visitantes y bella tan presentándose estudios como’l qu’amuesa que Booking ye la web de reserves turístiques más usada n’España.

Unu de les temes que van acompañar la edición d’anguaño va ser ensin dulda la digitalización del modelu de negociu, fenómenu que solmenó esta industria a nivel mundial. Por casu, la manera de reserva de viaxes movióse en bona parte del mostrador de les axencies de viaxes a les plataformes de reserva online, sector nel que na actualidá Booking.com ye líder n’España. Tal que recueye la macroencuesta Statista Global Consumer Survey, esta ye la páxina preferida nel país, con un 65% de los participantes nella qu’afirma usala para acutar dalgún tipu d’agospiamientu turísticu nos postreros dolce meses. Airbnb, que solo ufierta cases y apartamentos privaos, ocupa la cuarta posición, con un 20% de los encuestaos qu’afirmen lo propio.

Fonte: es.statista.com