Bono,el cantante d’U2, prepara’l so llibru de memories

Bono,el cantante d’U2, prepara’l so llibru de memories
02 xineru 09:48 2019 Imprimir

Nun ye una novedá que les memories de los famosos seyan un métodu más d’ingresos. Pero non toos lo ven puramente como un negociu y eso ye lo que paez asoceder con Bono,el cantante d’U2, que prepara anguaño’l so llibru de memories.

Dalgunos sienten real desasosiegu cuando dexen tola so vida por escritu, por que les sos fans puedan entender meyor delles partes de la so vida más íntima. Sería’l casu de Bono, líder de la banda U2, quien anunció que llueu la so hestoria llegaría a les llibreríes.

El cantante lleva yá tiempu arrexuntando les sos meyores anécdotes y reescribiéndoles una y otra vez hasta dar coles palabres esactes. Y paez que por fin lo llogró. Asina lo confirmó en Twitter Claudio López, director editorial de Penguim Random House España: “Contratemos les memories de Bono, apurre’l manuscritu a mediaos del añu que vien”. L’executivu reconocía que se llevó’l proyectu de callao, y que se va publicar na editorial Reservoir Books, tantu en castellán como en catalán. La fecha esacta enagora desconozse, anque tou indica de que más tarde que llueu los fans van poder tener un exemplar ente les sos manos.

El cantante retirose esta seronda a folgar, depués de trés xires y dos álbumes d’estudiu en cuatro años. Sería mientres la pasada estación cuando acabaría esti gran proyectu nel que llevaría tiempu arreyáu. ”Nun se sabe muncho más. Bono decidió escribir les sos memories y los abogaos haber ufiertáu a un grupu bien selectu d’editores de too el mundu. La idea ye qu’él va apurrir un manuscritu escontra’l branu del añu que vien. Depués va haber que calcular unos seis meses más a lo menos”, aseguró Claudio López a la prensa.

  Categories: