Portada Política Bloque por Asturies esixe l’usu del topónimu “Gijón/Xixón”

Bloque por Asturies esixe l’usu del topónimu “Gijón/Xixón”

by asturnet

El Bloque por Asturies vuelve a esixir al Ministeriu de Fomentu, FEVE, RENFE y la Dirección Xeneral de Política Llingüística que se cumpla l’usu de la toponimia oficial de Xixón. La reclamación vien pola falta d’usu del asturianu y la toponimia oficial na construcción y puesta en funcionamientu de la estación provisional nueva de trenes de Xixón, “na que puede vese na fachada, bien en grande, Gijón, ensin que apareza nin tenga visos d’apaecer l’otru topónimu oficial del conceyu; Xixón”.

El Bloque espera que-y pongan remediu a esta situación “illegal” enantes de la inaguración de la instalación ferroviaria, “y que la señalítica de la propia estación y los planos de llinies y demás elementos recueyan los topónimos qu’esti conceyu tien reconocíos como propios. Porque, como’l propiu Conceyu plubicita, agora son oficiales, agora usalos ye normal”, apunten dende la organización nacionalista.

Tamién te podria gustar