Portada Conceyos Bimenes entrega esti sábadu los premios del so XXI Concursu de Cuentos pola Oficialidá

Bimenes entrega esti sábadu los premios del so XXI Concursu de Cuentos pola Oficialidá

by redacción asturnews
Casa Conceyu de Bimenes

El sábadu que vien, 1 d’avientu, el Conceyu Bimenes fai entrega de los premios del XXI Concursu de Cuentos pola Oficialidá del Asturianu. L’actu va tener llugar nel Muséu Casa de les Radios, allugáu en Suares, a les 19’00 hores.

Nel trescursu del mesmu’l ganador del certame, HÉCTOR PÉREZ IGLESIAS (Arlós, Llanera, 1978) lleerá la so obra, “Que trata de lo que me cuntó’l mio mayestru al dexar l’abadía”, que llevó’l 1er premiu, al que se-y apurren 600 €. El 2u premiu, dotáu con 450 €, foi pal cuentu “Enkidu y la eternidá”, de RUBÉN MAGADÁN COSÍO (La Collá, Siero, 1985), y ARMANDO GUTIÉRREZ RODRÍGUEZ (Ciñera, La Pola Gordón, 1965) algamó’l 3er premiu, al que se-y apurren 300 €, con “Nun requexu”.

Nesta edición el xuráu tuvo formáu polos escritores Xulio Vixil Castañón, Francisco Álvarez González y Pablo Rodríguez Medina. L’actu completaráse cola actuación del monologuista Carlos Alba, que col so personaxe Cellero va representar un monólogu que ta d’estrena: “La talla 38 o fuera los grilletes de les fañagüetes” (ADXÚNTASE CARTELU PAL SO ESPARDIMIENTU)

Tamién te podria gustar