Portada Música Bimenes convoca’l so concursu de Gaiteros

Bimenes convoca’l so concursu de Gaiteros

by asturnet

El Conceyu Biemenes vieno acabante convocar el XI Concursu de gaiteros mozos que va celebrase’l sábadu 3 de xunetu a les 18.30 hores en Rozaes (Bimenes) inxertáu dientro les actividaes de la XIV Fiesta de la oficialidá de la llingua asturiana. La semifinal va facese’l sábadu 26 de Xunu na Casa la Cultura de Bimenes, dende les once de la mañana.

Van poder concursar tolos gaiteros y gaiteres con menos de ventiún años al día 30 de xunu de 2010. Los datos personales y de contautu, amás d’una fotocopia del DNI, señalando nel sobre que ye pal concursu de gaiteros, hai qu’unvialos al Ayuntamientu de Bimenes, na cai Martimporra, col código postal 33527. El plazu y tiempu pa la receición d’inscripciones zárrase’l 21 de xunu a les 12 hores. La relación de participantes fadráse pública’l día 22 de xunu, nun actu abiertu na Casa Conceyu de Bimenes, a les doce la mañana, hora na que se sortea tamién l’orde pa la semifinal y/o final.

Tamién te podria gustar