Portada Lliteratura Bimenes convoca la edición trece del so Concursu de Cuentos pola Oficialidá del Asturianu

Bimenes convoca la edición trece del so Concursu de Cuentos pola Oficialidá del Asturianu

by asturnet

Un añu más el Conceyu de Bimenes convoca’l Concursu de Cuentos pola Oficialidá del Asturianu, con plazu abiertu pa presentar trabayos hasta’l 2 de xunu. El certáme celébrase col envís de facer alcordanza de la declaración d’oficialidá del asturianu nesti conceyu, que desficieron los tribunales darréu, anque la tema del mesmu ye de llibre escoyeta per parte l’autor.

Los cuentos han unviase al Ayuntamientu de Bimenes (pal XIII Concursu de Cuentos pola Oficialidá del Asturianu). Martimporra, s/n. CP 33527, en Bimenes. Han tar redactaos en llingua asturiana (con una estensión máxima de 10 folios), respetando les normes ortográfiques de l’ALLA, inéditos, de tema llibre, non premiaos n’otros concursos lliterarios y ensin tar suxetos a nengún compromisu d’edición.

Establécense trés premios de 800, 50o y 350 euros. El xuráu tará compuestu por tres miembros cualificaos y presidíu pol Alcalde de Bimenes. Los sos determinos nun podrán retrucase. Cualesquiera de los premios podrá quedar desiertu, según determín del mesmu.

La entrega fadráse l’1 de xunetu, coincidiendo coles cellebraciones de la Fiesta de la Oficialidá de la Llingua Asturiana en Bimenes, onde se fadrá una llectura pública del primer premiu na voz del so autor o autora. Pa más información pue llamase al teléfonu 985 700 367.

Tamién te podria gustar