Bilbao, Santander y Xixón suscriben un alcuerdu de collaboración pa impulsar proyectos culturales conxuntos

Xixón xuntábase esta selmana al alcuerdu de collaboración establecíu entre Bilbao y Santander, impulsando un conveniu pa promover proyectos y actividaes culturales de forma conxunta.

Frutu d’esti alcuerdu, los trés ciudaes van publicar, a partir d’esti mes de febreru, les bases del programa “Tan Cerca 2017”,una iniciativa que Bilbao y Santander lleven desenvolviendo de forma conxunta dende l’añu 2014. Nel marcu d’esti compromisu, l’Área de Cultura del Conceyu de Bilbao, la Fundación Santander Creativa y la Fundación Municipal de Cultura, Educación y Universidá Popular de  Xixón van convocar una Bolsa de proyectos dotada con 60.000 euros, apurríos a partes iguales poles trés ciudaes.

Esta Bolsa de proyectos tien como fin principal recoyer propuestes de profesionales, empreses o otru tipu d’entidaes del sector cultural o creativu, con see social o actividá principal en Bilbao, Santander o Xixón, que se van incorporar a les programaciones d’actividaes culturales de les tres ciudaes a lo llargo del añu.

Con cargu a esta bolsa, van escoyese un máximu de seis proyectos, con un presupuestu máximu de 10.000 euros cada unu, de tala forma que caúna de los trés ciudaes va financiar dos propuestes, que tendrán de ser novedoses y frutu del trabayu conxuntu d’axentes culturales de, siquier, dos de los trés ciudaes convocantes. Coles mesmes, van poder llevase a cabu en cualesquier d’elles, pero priorizaránse les iniciatives que planteguen actividaes en más d’una.

Más información