BIENvenidos ye l’eslogan de les XII Xornaes contra’l racismu y la xenofobia

Agua Cooper Rodríguez, de 17 años y estudiante de 2º de Bachilleratu d’Artes Plástiques nel IES Universidá Llaboral de Xixón, resultó ganadora de la décimu primer edición del Concursu de cartelu y eslogan convocáu pa escoyer la imaxe de les Xornaes contra’l racismu y la xenofobia del añu 2017.La imaxe y el eslogan propuestu per Agua Cooper Rodríguez, Bienveníos, va ser publicada como cartelu de la doceava edición de les Xornaes del próximu mes de marzu, tres d’algamar un primer premiu que ta dotáu con 300 €.

El Xuráu del certame, axuntáu’l pasáu 1 de febreru y formáu por Juan Gallego Vázquez (Diseñador gráficu), Maite Centol (Artista plástica), María Jesús Francos Fernández (profesora del IES Matu Jove) y Cuadonga Carreño Morán y Adriana Ene (Comisión Organizadora de les Xornaes), alcordó igualmente conceder los siguientes accésits:

Accésit mención especial del Xuráu, dotáu con 75 €, pal trabayu presentáu por Carmen Bustillo Bernaldo de Quirós, col eslogan Racismu Non!

Accésit mención especial del Xuráu, dotáu con 75 €, pal cartelu presentáu por Marcos Gabarri Amaya, del Centru de Sofitu a la Integración de Pando, Llangréu, col eslogan Síamos xuna amiestu perfecto.