Portada Comunicación Bimenes convoca’l XXI Concursu de Cuentos pola Oficialidá

Bimenes convoca’l XXI Concursu de Cuentos pola Oficialidá

by redacción asturnews
Casa Conceyu de Bimenes

El Conceyu Bimenes vieno acabante de convocar el XXI Concursu de Cuentos pola Oficialidá del Asturianu, que s’afita dende va años como una de les referencies lliteraries de la narrativa menor en llingua asturiana.Los cuentos que se presenten al certame han de tar redactaos en llingua asturiana y nun pasar de les diez fueyes, mecanografiaes a doble espaciu y per una sola cara. El plazu pa la presentación de trabayos fina’l 31 de mayu y l’apertura pliques tendrá llugar el 3 de xunetu, día nel que tamién se dará anuncia de la fecha d’entrega premios.

L’importe económicu de los premios ye de 600 € pal primeru, 450 € pal segundu y 300 € pal terceru. Los cuentos, de los qu’hai que presentar l’orixinal, trés copies y una copia más en versión informática, han d’unviase a la direición que vien darréu: Ayuntamientu Bimenes. Plaza de Miranda de l Douro, s/n. 33527 – Martimporra.

Ye de destacar el compromisu del Conceyu Bimenes en caltener esti certame lliterariu y l’esfuerzu qu’ello-y supón, yá que pa esta edición, como pa les de los últimos años, nun cuenta con nengún sofitu económicu esternu.

Tamién te podria gustar