Beyoncé, Adele y Harry Styles lideren les nominaciones a los Grammy 2023

L’Academia de la Grabación anunció esti martes los candidatos a los premios Grammy 2023, con Beyoncé, Adele y Harry Styles liderando les nominaciones a los Grammy 2023. Esta 65 edición de los galardones que concede la industria de la música acueye un total de 91 categoríes.

Beyoncé, Adele, Harry Styles y Lizzo acoparon les principales nominaciones d’anguaño, nes que tamién s’inclúin ente los candidatos a la española Rosalía y el puertorriqueñu Bad Bunny.

Asina s’anunció esti martes nun actu de l’Academia Academia Nacional d’Artes y Ciencies de la Grabación d’EE.XX. na que s’informó qu’esta edición va tener cinco nueves categoríes: Meyor interpretación de música alternativa; Meyor BSO pa videoxuegos y otros medios interactivos; Meyor interpretación de compositor non clásicu; Meyor álbum de poesía de palabres falaes y Meyor cantar oficial pal cambéu social.

A Meyor álbum del añu van competir Adele, Kendrick Lamar, Harry Styles, Lizzo, Beyoncé, Abba, Bad Bunny, Mary J. Blidge, Brandi Carlile y Coldplay.

Dellos van repitir en Grabación del añu, na que se nomó a ‘Don’t shut me down’, de ABBA; ‘Easy on me’, de Adele; ‘Break my soul’, de Beyoncé; ‘Good morning gorgeous’, de Mary J. Blige; ‘You and me on the rock’, de Brandi Carlile; ‘Woman’, de Doja Cat; ‘About damn time’; de Lizzo; ‘Bad Habit’, de Stevy; ‘The heart part 5, de Kendrick Lamar, y ‘As it was’, de Harry Styles.

Les temes de la británica Adele y l’estadounidense Beyoncé formen parte de los sos respectivos regresos a la escena musical dempués de dellos años de nun haber llanzando nengún álbum d’estudiu. Col trabayu discográficu ’30’, Adele fai un relatu bien íntimu de la so vida, ente los que s’atopen el so divorciu y la xera de ser madre. Beyoncé tornó seis años dempués del so últimu discu d’estudiu con ‘Renaissance’, un proyectu que la so ellaboración tuvo bien condicionada pola pandemia y que foi consideráu polos sos siguidores como xuna etapa esperimental na so carrera.

El británicu Harry Styles podría dar la sorpresa tres un añu d’enorme ésitu popular qu’inclusive -y empericotió al mundu del cine. El Grammy a meyor grabación pola tema ‘As It Was’, dientro del álbum d’estudiu ‘Harry´s House’, supondría’l so segundu gramófonu.