Berta Piñán inaugura esti llunes los cursos de la UABRA 2019

by redacción asturnews | julio 29, 2019 9:51 am

La nueva Conseyera de Cultura del Principáu d’Asturies, Berta Piñán, va ser la encargada d’inaugurar esti llunes 29 de xunetu a les 13 hores los cursos de la Universidá Asturianu de Branu, UABRA 2019 en Cangas del Narcea.

Tres de la inauguración, y a lo llargo de les próximes dos selmanaes van desenvolvese na Escuela Hogar de la capital del Narcea dellos cursos:

CONFERENCIES Y CONCIERTOS

Esti añu, otra vuleta, ufrirase alumnáu y a los veinos de la zona delles actividaes como conferencies, esposiciones y conciertos. Mañana martes 30 de xunetu a les 19 hores nel Salón d’Actos de la Escuela-Hogar, Víctor M. Vázquez (Biólogu y miembru numberariu del RIDEA) falará sobro «L’osu n’Asturies: implicaciones sociales y económiques».
El xueves 1 d’agostu a la mesma hora y nel mesmu llugar falará Cristóbal Ruitiña Testa (Periodista y redactor de la rtpa) sobro «Úa television pública al servicio d’Asturias». Y el martes 6 d’agostu fadralo Raúl Suevos (Analista de Seguridá Internacional) alrodiu de «La política de defensa n’Europa. Análisis xeopolíticu y alternatives».

Polo que cinca a los conciertos sedrán dos y celebraranse nel Teatru Toreno a les 22:30 hores. El miércoles 31 de xunetu actuará’l dúo L-R y el miércoles 7 d’agostu fadralo A comuna del barruzo.

Del 29 de xunetu al 9 d’agostu. la esposición «Voces. La llingua asturiana al traviés de los sieglos» podrá vese na Casa de la Cultura «Palaciu d’Oumaña» de Cangas.

Estos Cursos tienen reconocencia oficial per parte de la Conseyería d’Educación del Principáu d’Asturies, darréu de l’acreitación de l’ALLA como “Entidá Organizadora d’Actividaes de Formación Permanente del Profesoráu”. Ello afita a tolos efeutos la reconocencia d’estos Programes Formativos dende’l puntu de vista alministrativu (currículum, méritos, sexenios, etc.) pal profesoráu d’Educación Primaria y Secundaria del Principáu d’Asturies.

Los horarios definitivos[7] de los cursos que formen la Universidá Asturiana de Branu (UABRA) d’esti añu lleven ya díes a disposición d’alumnáu, profesoráu y cualesquier persona interesada, tanto no que cinca a la primer fase de capacitación en gallego-asturianu, niveles elemental y avanzáu de llingua asturiana y afondamientos culturales y llingüísticos (capacitación pa la traducción, taller d’escritura creativa y patrimoniu asturianu).

Endnotes:
  1. [Horariu]: http://www.academiadelallingua.com/wp-content/uploads/2019/07/Cursu-Elemental.pdf
  2. [Horariu]: http://www.academiadelallingua.com/wp-content/uploads/2019/07/Cursu-Avanz%C3%A1u.pdf
  3. [Horariu]: http://www.academiadelallingua.com/wp-content/uploads/2019/07/Capacitaci%C3%B3n-pa-la-traducci%C3%B3n-al-asturianu.pdf
  4. [Horariu]: http://www.academiadelallingua.com/wp-content/uploads/2019/07/El-patrimoniu-cultural-asturianu.pdf
  5. [Horariu]: http://www.academiadelallingua.com/wp-content/uploads/2019/07/De-la-lletra-al-testu.pdf
  6. [Horario]: http://www.academiadelallingua.com/wp-content/uploads/2019/07/Capacitaci%C3%B3n-en-gallego-asturiano-1%C2%AA-Fase.pdf
  7. horarios definitivos: http://www.academiadelallingua.com/cursos-2/universida-asturiana-de-branu-uabra/

Source URL: http://asturnews.com/berta-pinan-inaugura-esti-llunes-los-cursos-de-la-uabra-2019/